Element: ZJARRI

Planeti dominues: JUPITERI

Përfaqësuesit e kësaj shenje janë sangvinistë, sharmerë, entuziastë, optimistë. Temperamenti i tyre rëndom orientohet kah mënyra dinamike e jetës, që i shqetëson mjaft.
Kanë aftësi që të shkaktojnë befasi dhe që gjallërisht të depërtojnë në çdo situatë.
Mbi ta dominon JUPITERI, që pashterrshmërisht iu fal fuqi e drejtësi, kuptim religjioz, shpirtmadhësi, fisnikëri dhe vlera morale.
Shigjetari ka karakter të butë, si dhe qëllim të hapur e mjaft të çiltër, shumë më të mirë sesa dy shenjat e para të zjarrir (luani dhe dashi). Përndryshe, është mjaft impulsiv, ndonjëherë i rreptë, por rëndom plot arsye dhe plot konsideratë për të tjerët, përherë i gatshëm t'iu ndihmojë të tjerëve; këto veti ia jep JUPITERI, mbret i peshqve.
Shigjetari nuk i frikësohet kurrfarë situate jetësore. Përherë ka dashuri e shpirtmadhësi. Është luftëtar i guximshëm për lirinë e vet. Përparimtar dhe entuziast. Antikonvencionalist, përherë i gatshëm që t'i mbrojë bindjet e veta. I jep shumë rëndësi intelektit, në përpjekje të përhershme ta begatojë shpirtin dhe kulturën e vet. Inteligjenca e tyre është e gjallë dhe spontane, plot kuptim për realitetin. Ka mendim të thellë, di të planifikojë, të parashohë, hyn në hulumtimin e shpirtit të vet të zjarrtë. Ndjenjat i ka humane, kundër dhunës e shtypjes. Moralin dhe etikën i ka mjaft të theksuara, edhe përkundër fluturimeve të lira të mendjes.
Është idealist ekstrem, rëndom filozof, thellësisht religjioz; optimist. E hulumton mirë terrenin para vendimit dhe shkel në të sigurt. Një devotshmëri e jashtme dominon mbi fytyrën e shigjetarit tipik, gjë që nxit besim dhe respekt. Shqetësohet dhe qetësohet me maturi.
Kënaqet shumë me gjërat, situatat dhe me miqësitë e paparashikueshme, befas. Nuk është cikërrimtar, nuk merret me detaje, imtësi. Është optimist i lindur. Shpesh për të jeta është argëtim. Ndonjëherë i ngjan bredhëritësit të shqetësuar që kurrë nuk di se a është ajo që posedon edhe ajo që e dëshiron.
Rëndom nuk martohen gjatë, duke mos dëshiruar përgjegjësi. Martohet kur sheh se edhe "liria" ka përgjegjësinë e vet. Është tip i lumtur njeriu. Shpesh luan, rrezikon, fiton. (Rrini pranë tij - do të jeni mirë të argëtuar).
Kanë rëndom strukturë të fuqishme fizike. Meshkujt rëndom janë sportistë të mirë (si edhe deshtë). Gratë-shigjetare janë VITALE, DINAMIKE; rëndom tërheqëse. Flokun e kanë të zi. Hundën të shprehur, "shqiponjëtare".
Nuk janë vetiakë si luani dhe dashi.
Janë antipode të shkorpionëve. Janë të frymëzuar me jetën, jo me vdekjen.
Kanë afinitet për aksion, vështirë qetësohen në një vend, me gëzim shkojnë "nga lulja në lule". Depërtojnë dhe shkojnë.
Zakonisht dinë të shkojnë përpara, duke udhëhequr suksesshëm me të gjitha aksionet. I duan diskutimet. Secilit ia thonë të vërtetën në sy. Gëzojnë respekt dhe shpejt pasurohen. Në jetë i presin shumë rreziqe e befasi, por shkathtësisht tërhiqen, shpëtojnë. Pra, edhe pse gjithnjë janë në luftë të përhershme, dalin fitimtarë. JUPITERI është fat i madh, prandaj kanë fat, nderim, begati, lumturi.
Kanë shpirt të paqetë, hipnotikisht duke vrapuar pas yjve të vet që befas shfaqen në horizont, përherë duke pranuar aventura të reja, duke dëshiruar të prekin krejt të mundshmet dhe të pamundshmet, para se të mbërrijnë në limanin e tyre të fundit.
Fati i tyre është jeta normale qytetare.
Kanë shumë dëshirë të flasin, edhe pse, si të gjithë idealistët, ndonjëherë janë të vetmuar, të pakuptueshëm nga rrethi.
Besojnë në dashuri dhe miqësi të gjata. Në këtë shenjë, si tek shenjat e ujit, shpesh lindin ëndërrimtarë të mëdhenj.

VIRTYTET dhe VESET: edhe pse Don Zhuan, ka forca të mëdha morale. Vetëmohues dhe luftarak. Tejet i shoqërueshëm. Kualitetet e tij: galantiteti, sharmi, liriadhurueshmëria. Manitë: lavdërimi, snobizmi. Përndryshe: të aftë, të pavarur, mirë i përdoron të hollat, e mban fjalën, e kthen borxhin, human, optimist, entuziast, idealist.

TË LINDUR NË KËTË SHENJË: Betoveni, Hajne, F. Sinatra, P. Elyar, M. Tven, Floberi, A, Zhid, K. Dagllas, V. Çerçill etj.

KOMBINOHEN: Shigjetarët për partnerë më të mirë kanë shenjat e zjarrit: LUANËT dhe DESHTË. Pastaj vijnë "ajrorët": BINJAKËT, PESHORET, UJORËT (deri në 30 vjet: "zjarrtarët"; pas 30 vjetve: "ajrorët"). Pra, SHIGJETARI - LUANI: kombinim i mirë. SHIGJETARI - DASHI: të lumtur së bashku.

ASTROMEDICINA: iu beson metodave natyrore të shërimit: gjimnastikës, masazhës, ujërave termale, sportit në përgjithësi. Dhe vërtet, iu ndihmon shumë dashuria ndaj sporteve dhe udhëtimeve. Sakaq, kur janë të tjerët të sëmurë, ai pothuajse shëron me praninë e tij, respektivisht me kthjelltësinë e shpirti dhe optimizmin e tij. I MUNDON: ishiasi, reumatizmi, hemorroidet.


PARASHIKIMI PËR VITIN 2013

Të lindurit mes 23 nëntorit dhe 21 dhjetorit do të kenë fat në dashuri dhe në karrierë. Si gjithnjë, është e rëndësishme që diku të bëni lëshime e diku të shtrëngoni më shumë. Megjithatë, për më tepër lexoni parashikimin e yjeve për shenjën e Shigjetarit, për vitin 2013. Edhe 12 ditë për të pasur një ndryshim:

E përgjithshme

Ky vit 2013 do të sjellë një faqe të re në jetën tuaj. Të gjitha pengesat dhe problemet që keni përballuar në vitet e kaluara, do të zhduken krejt papritur. Do të kaloni një fazë shumë optimiste në jetën tuaj. Të gjitha kufizimet dhe shtrëngesat e jetës duket se do të qëndrojnë larg jush. Por duhet që të krijoni siguri për veten dhe ata rrotull jush. Drejt fundit të vitit duket se disa gjëra në jetën tuaj do të ngadalësohen.

Karriera

Jeta juaj në fushën profesionale do të jetë me shumë energji reja. Rezultat e vitit të mëparshëm do t’ju godasin pak. Por mos iu kushtoni shumë vëmendje. Vijoni të ecni para dhe mendoni që punët asnjëherë nuk mbarojnë. Pozicionimi i planeteve do t’ju ndihmojë të lëvizni në drejtimin e duhur pa shumë përpjekje gjatë këtij viti. Çështje të lidhura me administrimin dhe punët ligjore do të jenë një shpërblim për ju. Do të keni marrëdhënie më të mira me drejtuesit dhe kolegët e punës. Në fund të vitit, në jetën tuaj profesionale mund të fitoni një rritje në detyrë, si dhe një rritje page. Nëse jeni i përfshirë në biznes, kjo është koha më e mirë për të konsoliduar pozitën tuaj.

Dashuria

Në fushën e ndjenjave këtë vit do të jeni më të qëndrueshëm dhe do të përballoni problemet normale dhe të pritshme në një marrëdhënie. Planetet do të bëjnë të sigurt që nevojat tuaja romantike dhe emocionale të përmbushen në një mënyrë delikate. Më shumë intimitet pritet nga ana juaj këtë vit. Hidhni të gjitha maskat që keni qenë duke mbajtur së fundmi dhe tregoni veten tuaj të vërtetë. Kjo është një kohë shumë e përshtatshme që ju të dini qëllimet e vërteta të partnerit apo gjysmës suaj tjetër. Mos u vini shumë në pozita vetëmbrojtëse. Disa ndryshime thelbësore pritet të ndodhin në marrëdhënien tuaj gjatë gjysmës së dytë të vitit. Nëse jeni të vetëm, atëherë duhet fusni në jetën tuaj patjetër dikë që t’ia vlejë dhe ta kujtoni edhe në vitet në vijim.

Financat

Ky vit mund të çojë në një rritje të madhe në perspektivën e karrierës suaj. Do të keni përfitime të mëdha në të gjitha çështjet tuaja financiare. Përpjekjet e viteve të mëparshme do të sjellin frytet e veta dhe duket se fati do t’ju buzëqeshë kur bëhet fjalë për paratë. Mos hezitoni që të futeni në territore financiare të panjohura. Ka ende shumë fusha në të cilat ju mund të investoni paratë tuaja. Por jini të kujdesshëm që të mos i investoni të gjitha paratë në të njëjtin vend.

Shëndeti

Problemet tuaja shëndetësore do të pakësohen gjatë fillimit të vitit. Duket se do të ketë shumë gjëra për të bërë që do t’ju marrin shumë energji mendore. Por fizikisht do të jeni në formë më të mirë se vitet e shkuara. Sigurohuni që të bëni gjumë të mjaftueshëm dhe të stërviteni. Një gjë e tillë është e nevojshme, pasi do të punoni nën një stres të vazhdueshëm për shumicën e vitit. Në përgjithësi do të keni një imunitet të fortë këtë vit. Kini kujdes nga problemet shëndetësore të lidhura me kokën dhe hundët. Mundohuni t’i trajtoni me butësi dhe qetësi.